2024-жылдын 29-30-октябрында Кой-Таш айылындагы Olive Hotel & Spa Ala-Archa мейманканасында Кыргыз Республикасынын Юстиция министрлигинин алдындагы Пробация департаменти тарабынан уюштурулган ведомстволор аралык жумушчу топтун эки күндүк көчмө отуруму өтүүдө.

Бул отурум Кыргыз Республикасынын айрым мыйзам актыларына, атап айтканда, 2024-жылдын 7-августундагы №161 “Үй-бүлөлүк, сексуалдык жана гендердик зомбулуктан сактоо жана коргоо” жаатындагы өзгөртүүлөргө байланыштуу өткөрүлүүдө.

Отурумда эксперттер жана ведомстволор аралык кызматташтыкты күчөтүү максатында, Сот адилеттигинин жогорку мектебинин окутуучусу Дүйшенбекова Гульнара Султанбековна да катышат.

Иш-чара үй-бүлөлүк зомбулукка каршы күрөштү күчөтүүгө жана жарандарды коргоо системасын жакшыртууга багытталган. Ведомстволор аралык кызматташууну арттыруу менен өлкөдө зомбулуктун алдын алуу жана коргоо чараларын жакшыртуу мүмкүнчүлүктөрү талкууланат.