2024-жылдын 9-сентябрынан 13-сентябрына чейин Кыргыз Республикасынын Жогорку сотуна караштуу Сот адилеттигинин жогорку мектебинде сот аткаруучулары үчүн квалификацияны жогорулатуу боюнча комплекстүү программа (КПО) боюнча окутуу өткөрүлүүдө.

Саламдашуу жана каалоо сөздөрү менен Кыргыз Республикасынын Жогорку сотуна караштуу Сот адилеттигинин Жогорку мектебинин директору Анархан Базаралиева сүйлөдү.

Лекторлор:

— Кыргыз Республикасынын Жогорку сотунун аппаратынын жетекчиси – Э.Т. Мамыров, Чүй облустук сотунун төрагасынын орун басары – Ж.Н.Мурзалиева, Сот адилеттигинин жогорку мектебинин окутуучулары – Ч.Дж. Курбанова, Г.С. Дүйшенбекова, Ч.А. Мусабекова, У.М. Сатаров, Ош облусунун Кара-Суу районунун судьясы – Г.К. Усакбаева, Чүй облусунун Административдик сотунун кеңсесинин башчысы – Э.К. Музукеева, Бишкек шаарынын Ленин райондук  САКБсынын сот аткаруучусу – С.Б.Николаева, Кыргыз-Россия Славян университетинин кылмыш укугу жана криминология кафедрасынын доценти, психология илимдеринин кандидаты, милициянын отставкадагы полковниги – А.Т. Токомбаева.

Программа сот актыларын аткаруу, алардын натыйжалуулугун жогорулатуу жана укук колдонуу практикасын жакшыртуу боюнча сот аткаруучулардын кесиптик билимин жана көндүмдөрүн бекемдөөгө багытталган. КПОнун алкагында угармандар жаңы ыкмалар менен таанышып, соттук чечимдерди тез жана сапаттуу аткарууга жардам берүүчү жаңы тажрыйба менен иштөөнү үйрөнүшөт.

Окутуунун узактыгы беш күнгө созулат, бул мезгилде катышуучулар теориялык жана практикалык даярдыктан өтүп, юриспруденция жана сот аткаруу жаатында тажрыйбалуу окутуучулар жана эксперттер тарабынан окутулат.

Бул программа сот системасынын кызматкерлеринин кесипкөйлүгүн жогорулатуу жана өлкө боюнча адилеттүүлүктү камсыздоо үчүн Сот адилеттигинин жогорку мектебинин жалпы стратегиясынын бир бөлүгү болуп саналат.

Басма сөз байланыштары:

Телефон: +996 312 45-65-77

Электрондук почта: jtc.kg@mail.ru

Вебсайт: http://vshp.sot.kg/