Бүгүн, 2025-жылдын 3-апрелинде Кыргыз Республикасынын Жогорку сотуна караштуу Сот адилеттигинин жогорку мектебинде «Иштерди активдүү башкаруу (Time менеджмент)», «Соттордо полиграфты колдонуу», «Чечендик өнөр» темасында Кыргыз Республикасынын жергиликтүү сотторунун судьяларына жана Сот адилеттигинин жогорку мектебинин окутуучуларына эки күндүк тренинг башталды.

Лекторлор: Джаналиев Бекболот Болотбекович Бишкек шаардык сотунун судьясы,  Савельева Ксения лектор, Калпты аныктоо борборунун негиздөөчүсү, Камчыбеков Арсланбек лектор, профайлер, психолог, жана Эгембердиев Талантбек Мураталиевич чечендик өнөр боюнча машыктыруучу, философия илимдеринин кандидаты.

Окутуу Кыргыз Республикасында соттук териштирүүлөрдүн сапатын жакшыртууга жана эффективдүү сот адилеттиги үчүн шарттарды түзүүгө багытталган, бул сот тутумунун кесипкөйлүгүнүн деңгээлин жогорулатууда жана сот кызматкерлерин сот адилеттиги чөйрөсүндөгү жаңы чакырыктарга даярдоодо маанилүү кадам.

Бул тренинг соттук иштерди эффективдүү башкаруу, сот практикасында полиграфты колдонуу, профайлингдин жана оперативдүү психодиагностиканын негиздери, ошондой эле укук коргоо ишмердүүлүгүндө полиграфсыз калпты аныктоо сыяктуу темалардын кеңири спектрин камтыйт. Коммуникация көндүмдөрүн өнүктүрүү, эл алдында сүйлөө жана лидерлик деңгээл, вербалдык эмес коммуникацияларды үйрөтүү жана эл алдында сүйлөөдөн коркуу сезимин жеңүүгө көңүл бурулат.

Тренингдин жыйынтыгында катышуучуларга квалификациясын жогорулатуу жөнүндө сертификаты тапшырылат