2025-жылдын 5-мартында Бишкек шаарында Кыргыз Республикасынын Президенти Садыр Жапаровдун катышуусунда Кыргыз Республикасынын судьяларынын XIII курултайы өттү.
Иш-чарага республика боюнча 400дөн ашык судья катышты.
Съезддин жүрүшүндө сот системасын мындан ары өнүктүрүүгө, сот адилеттигинин сапатын жакшыртууга, ошондой эле соттордун ишине жаңы технологияларды киргизүүгө тиешелүү маанилүү маселелер көтөрүлдү. Сот бийлигинин алдында турган актуалдуу чакырыктар жана жарандардын сот адилеттиги системасына болгон ишенимин бекемдөө үчүн аларды чечүү жолдору талкууланды.
Кыргыз Республикасынын судьяларынын XIII курултайынын резолюциясы кабыл алынгандан кийин, Жогорку соттун, Конституциялык соттун жана Судьялар кеңешинин ведомстволук сыйлыктарын тапшыруу аземи болду.
Кыргыз Республикасынын Жогорку сотунун төрагасы Медербек Сатыев сот системасында өзгөчөлөнгөн кызматкерлерге ведомстволук сыйлыктарды тапшырды.
Сыйлангандардын арасында Кыргыз Республикасынын Жогорку сотуна караштуу Сот адилеттигинин жогорку мектебинин окутуучулары — Садыков Эрмек Эркович жана Давлетбаева Мадина Акремовна болду, аларга сот системасын жана билим берүү ишмердигин өнүктүрүүгө кошкон зор салымы үчүн «Кыргыз Республикасынын сот тутумунун мыктылары» төш белгиси тапшырылды.
