Бүгүн Кыргыз Республикасынын Жогорку сотуна караштуу Сот адилеттигинин жогорку мектебинде Кыргыз Республикасынын жергиликтүү сотторунун бөлүм башчылары үчүн эки күндүк семинар өтүүдө.

Семинар сотторду башкаруунун заманбап ыкмаларына, сот адилеттигиндеги санариптик технологияларга, соттук аудитти өткөрүүгө жана эксперттик комиссиялардын ишине, ошондой эле КР санариптик кодексинин жоболоруна арналган.

Лекторлор катары:

• Узакбаев Азамат Насырович – Жалал-Абад облустук сотунун судьясы;


• Алыбаев Азамат Артельевич – Бишкек шаарынын Биринчи май райондук сотунун судьясы;


• Исаева Айзада Чолпонкуловна – Чүй облусунун Аламүдүн райондук сотунун судьясы;


• Музукеева Эльнура Каныбековна – Чүй облусунун административдик сотунун бөлүмүнүн башчысы.

Семинар сот бөлүм башчыларынын кесиптик квалификациясын жогорулатууга жана сот тутумундагы башкаруунун заманбап ыкмалары жана санарип куралдары менен таанышууга багытталган. Семинардын аягында катышуучуларга сертификаттар тапшырылат.