2025-жылдын 27-октябрында Кыргыз Республикасынын Жогорку сотуна караштуу Сот адилеттигинин жогорку мектебинде жергиликтүү соттордун судьялары үчүн эки күндүк семинар өткөрүлүүдө.

Иш-чаранын жүрүшүндө катышуучулар төмөнкүлөрдү талкуулашат:

• Конституциялык укук-мамлекеттин укуктук статусун аныктаган укуктун алдыңкы тармагы. Конституционализмдин теориялык негиздери;


• КР Конституциялык сотунун мамлекеттик бийлик органдарынын системасындагы орду жана ролу. КР Конституциялык сотунун укуктук статусу;


• КР Конституциялык Сотунун чечимдери укук булагы катары. КР Конституциялык сотунун чечимдеринин нормативдүүлүгү. Конституциялык соттун чечимдерин укуктун булагы катары кабыл алуу;


• Талашылып жаткан ченемдик укуктук актылардын конституциялуулугун баалоодо конституциялык контролдоо органдарынын мамилелери. Пропорционалдык принциби. КР Конституциялык сотуна судьялардын суроо-талабына коюлуучу жалпы талаптар;


• Кыргыз Республикасынын Конституциялык сотунун өндүрүшүнө кайрылууларды кабыл алуу же кабыл алуудан баш тартуу жөнүндө соттук коллегиялардын аныктамаларына даттанууларды кароонун өзгөчөлүктөрү;


• Кыргыз Республикасынын Конституциялык сотуна судьянын (судьялардын, коллегиянын) суроо-талабын даярдоо.

Лектор катары иш алып баруучулар:

Айдарбекова Чинара Аскарбековна — Кыргыз Республикасынын Конституциялык сотунун судьясы;

Мамыров Эркинбек Тобокелович — Кыргыз Республикасынын Жогорку сотуна караштуу Сот адилеттигинин жогорку мектебинин окутуучусу.

Семинар судьялардын кесиптик билимин жогорулатууга, сот практикасынын бирдейлигин бекемдөөгө жана укук колдонуу ишин өркүндөтүүгө багытталган.

Семинардын соңунда катышуучуларга сертификаттар тапшырылат.