Бүгүн, Кыргыз Республикасынын Жогорку сотуна караштуу Сот адилеттигинин жогорку мектебинде жергиликтүү соттордун судьялары үчүн эки күндүк семинар башталды. Семинар катышуучулары соттук практикадагы маанилүү аспекттерди, анын ичинде медиация, апелляциялык өндүрүш жана мамлекеттик тилде юридикалык терминдерди колдонуу тууралуу темаларды талкуулашат.

Семинар төмөнкү негизги багыттарды камтыйт:

Медиациянын негиздери жана соттук процессте медиация (коммерциялык медиация): Катышуучулар медиациянын принциптери, анын талаш-тартышты чечүүдөгү мааниси жана коммерциялык иштерде колдонуу өзгөчөлүктөрү менен таанышышат.

Жарандык иштер боюнча апелляциялык инстанцияда өндүрүш: Атайын сессияларда апелляциялык инстанциядагы соттордун иши боюнча процессуалдык аспекттер, соттук практика боюнча анализ жана граждандык иштерди кароодо натыйжалуу ыкмаларды иштеп чыгуу тууралуу темалар каралат.

Соттук актыларды түзүүдө юридикалык терминдерди колдонуу: Семинарда мамлекеттик тилде юридикалык терминология менен иштөө маанилүү элемент болуп, соттук актыларды жакшыртууга жана юридикалык тактыкты камсыз кылууга мүмкүнчүлүк берет.

Семинарды өткөрүүчү лекторлор:

Каримова Рахат Абдылдаевна – Бишкек шаардык сотунун судьясы;

Алиева Гулкайыр Сакешовна – Бишкек шаардык сотунун судьясы;

Курбанова Чинара Джалиловна – Кыргыз Республикасынын Жогорку сотуна караштуу Сот адилеттигинин жогорку мектебинин окутуучусу.

Семинар судьялардын квалификациясын жогорулатуу жана Кыргыз Республикасынын сот системасын жакшыртуу максатында уюштурулган. Иш-чаранын натыйжалары соттук практиканын мындан аркы өнүгүүсүнө оң таасирин тийгизет деп күтүлүүдө жана талаш-тартышты туура чечүүгө жардам берет.